ស្ថានទូត​អាមេរិក​រម្លឹក​ឱ្យ​កម្ពុជា​ស៊ើបអង្កេត និង​កាត់ទោស​មេខ្លោង​ឆបោក​តាម​អនឡាញ

 ស្ថានទូត​សហរដ្ឋអាមេរិក​ប្រចាំ​កម្ពុជា​បន្ត​ដាស់តឿន និង​ក្រើន​រម្លឹក​ដល់​រដ្ឋាភិបាល​ក្រុងភ្នំពេញ​ ឱ្យ​ចាត់វិធានការ​ស៊ើបអង្កេត​លើ​អ្នក​ពាក់ព័ន្ធ និង​មេខ្លោង​សំខាន់ៗ ​ដែល​កាង​ការពារ និង​អនុញ្ញាត​ឱ្យ​ឧស្សាហកម្ម​ឆបោក​តាម​អនឡាញ​រីកចម្រើន ដើម្បី​នាំ​ខ្លួន​មក​អនុវត្ត​ច្បាប់​។ អ្នកឃ្លាំមើល​លើកឡើង​ថា ការ​ដាស់តឿន​របស់​សហរដ្ឋ​អាមេរិក​ជា​បន្តបន្ទាប់​នេះ បង្ហាញថា អាមេរិក​នៅតែ​ព្រួយបារម្ភ​ចំពោះ​ប្រសិទ្ធភាព​នៃ​ចំណាត់ការ​បង្ក្រាប​របស់​រដ្ឋាភិបាល​លោក ហ៊ុន ម៉ា​ណែ​ត តែ​ទៅលើ​ជនល្មើស​តូចតាច ប៉ុន្តែ​មិន​អើពើ​ចាត់វិធានការ​ឱ្យ​ចំ​មេខ្លោង​ធំៗ ដែល​ពាក់ព័ន្ធ​នឹង​អំពើ​ឆបោក​តាម​អនឡាញ។